అటుకుల ఉప్మా తయారీ విధానం
ముందుగా ఒక్క గిన్నెలో (చిల్లుల గిన్నె ఐతే బెటర్) అటుకులూ (2 గ్లాసులు), మరమరాలు(ఒక్క గ్లాసు) పోసి నీళ్ళతో కడిగండి. చిల్లుల గిన్నె ఐతే అందులోనే ఉంచండి, నీళ్ళు వాటంతటే క్రిందకు జారిపోతాయి. మామూలు గిన్నె ఐతే అటుకులు, మరమరాలు పిండి ప్లేటులో పెట్టుకోండి.
వేరే గిన్నెలో నూనె, తిరగమోత(పోపు) వెయ్యండి. కొంచెమ్ సేపటి తర్వాత ఉల్లిపాయలు, పచ్చిమిరపకాయలు, పొటేటో చిప్స్ (ఉంటే నలిపి వెయ్యండి), చిటెకెడు పసుపు, ఉప్పు, స్పూన్ కారమ్ వేసి బాగా వేయించాలి. ఉల్లిపాయలు దోరగా వేగిన తర్వాత స్టవ్ సిమ్ చేసి, అటుకులు మరమరాలు వేసి కలపండి. బాగా కలిసిన తర్వాత ఓ స్పూనుతో టేస్ట్ చేసి ఉప్పు సరిపోకపోతే ఇంకొంచెమ్ జల్లండి.
ఓ పది నిమిషాల తర్వాత స్టవ్ ఆపెయ్యండి.
అంతే ముగ్గురికి సరిపడ అటుకులుప్మా తయారు.
No comments:
Post a Comment