వంటగదికి సంబంధించిన చిట్కాలు

చిట్కాలు

వంటగదికి సంబంధించినవి

• అప్పడాల్ని నిల్వ చేసేటప్పుడు వాటి మీద కొద్దిగా కారం, ఇంగువ చల్లితే పురుగులు, చీమలు దరిచేరవు
• ఆకుకూరలను ఒకటి, రెండు రోజుల కంటే ఎక్కువ రోజులు ఉంచకండి.
• ఆయిల్ పలుసార్లు వండడం వలన మడ్డిగా తయారయిందా? దాంట్లో ఒక చిన్న బంగాళదుంప స్లయిస్ వేసి ఒక రోజంతా అలా ఉంచండి. ఆ ఆయిల్ మరల ఉపయోగించుకునేందుకు సిద్దం.
• ఇంట్లో పార్టీ ఏదైనా జరిగి, గాజు పింగాణీ వస్తువులు ఎక్కువగా కడగాల్సి వచ్చినప్పుడు సింక్ లో రెండూ మందపాటి పాత టవల్స్‌ని పరిస్తే ఒకవేళ చేయిజారినా పగలకుండా ఉంటాయి.
• ఉప్పు డబ్బాలో ఏవైనా రెండు ఎండు గింజలను వేస్తే ఉప్పు ముద్ద కాకుండా తేలికగా చల్లుకోవటానికి వీలుగా ఉంటుంది.
• ఉల్లిపాయ పొట్టు తీసి ఉప్పు నీటిలో కొంచెం సేపు ఉంచి తింటే నోరు వాసన రాదు.
• ఉల్లిపాయ ముక్కల మీద కొంచెం ఉప్పు చల్లి తడి అయ్యే దాకా మెదిపి వాటిని పిండిలో కలిపి వేసిన పకోడీలు కరకరలాడుతాయి.
• ఉల్లిపాయలు తరిగే సమయంలో నోట్లో చూయింగ్ గమ్ ఉంచుకోండి, ఉల్లిఘాటు మీ కళ్ళనుండి నీటిని రప్పించలేదు. మీ కళ్ళు మండవు కూడా.
• ఎండు మిరపకాయలు కారం ఆడించే సమయంలో ఆవనూనె 4 చుక్కలు వేశారంటే కారానికి మంచి రంగు వస్తుంది.
• ఎండు మిరపకాయలు కారం పట్టించే ముందు కొంచెం ఉప్పు కలిపితే పురుగు పట్టకుండా ఎక్కువ కాలం నిలవ వుంటుంది.
• ఎగ్స్ బాయిల్ చేసే సమయంలో పై షెల్స్ క్రాక్ అవ్వకుండా ఉండేందుకు కొంచెం ఉప్పు వేయండి చాలు.
• ఒకవేళ అన్నం మాడిపోయి మాడువాసన వస్తుంటే, కొంచెం ఉప్పువేస్తే చాలు ఆ వాసన పోతుంది.
• కాఫీ పొడిని ఫ్రిజ్ లో పెడితే సువాసన పోదు.
• కారం పొడి డబ్బాలో చిన్న ఇంగువ ముక్క వేస్తే కారం ఎంత కాలమైనా నిల్వ ఉంటుంది.
• కిచెన్లో ఉపయోగించే పాత నాప్కిన్‌ని వెనిగర్‌లో ముంచి ఫ్రిజ్ లోపలి భాగం శుభ్రం చేస్తే పురుగులు ఏమన్నా ఉంటే చనిపోతాయి.
• కొన్ని దోస తొక్కలను వంటింట్లో ఉంచితే చీమలు ఆ దరిదాపులకు రావు.
• కొబ్బరిచిప్ప నుంచి కొబ్బరి త్వరగా ఊడి రావాలంటే కొన్ని గంటలు కొబ్బరి చిప్పను ఫ్రీజర్‌లో ఉంచాలి.
• కోడిగుడ్దు ఆమ్లెట్ వేయడానికి ముందు పెనం మీద టేబుల్ సాల్ట్ తో తుడిస్తే ఆమ్లెట్ అంటుకోకుండా చక్కగా వస్తుంది.
• క్యాబేజీ ఉడికించేటప్పుడు ఆ నీటిలో చిన్న అల్లం ముక్క వేస్తే ఘాటైన వాసన రాదు. రుచి కూడా బాగుంటుంది.
• గోరువెచ్చని నీటిలో కత్తిని ముంచితే ఆ కత్తితో డ్రై ఫ్రూట్స్ ను తేలిగ్గా కట్ చేయవచ్చు.
• గ్యాస్ బర్నర్‌ని పెట్రోలుతో శుభ్రం చేస్తే నీలం మంటతో చక్కగా మండుతుంది.
• చక్కెర గడ్డ కడితే డబ్బా మూతకి ఒక తడిబట్ట కట్టి రాత్రంతా ఉంచండి.
• చింతపండు ఎక్కువ కాలం నిల్వ ఉండాలంటే, ఇంగువ, ఉప్పు నీటిలో కలిపి ఆ నీటిని చింతపండు పై చిలకరించి చింతపండును బాగా ఎండలో ఆరబెట్టాలి. ఆరాక మంచి కంటెయినర్లో ఉంచుకుంటే ఎంత కాలమైనా చింతపండు నిల్వ ఉంటుంది.
• చింతపండుని మిక్సీలో యధాతధంగా వేయకండి. మిక్సీ బ్లేడ్స్ పాడయిపోతాయి. రసం పిసికి ఆ రసం పోయండి.
• జాం గట్టిగా మారితే సీసాను కాసేపు వేడి నీళ్ళలో ఉంచితే జాం వాడుకోవడానికి అనువుగా తయారవుతుంది.
• జీడిపప్పు, ఎండుద్రాక్ష, బాదం వంటి డ్రైఫ్రూట్స్ ఎక్కువ కాలం చెడిపోకుండా నిల్వ ఉండాలంటే, వాటి మధ్య నాలుగు లవంగాలు ఉంచాలి.
• టీ తయారు చేసే సమయంలో రోజ్ వాటర్ ఎసెన్స్ ఒక్క డ్రాప్ వేయండి. ఆ టీ టేస్ట్ డిఫరెంట్‌గా ఉంటుంది.
• తక్కువ పాలతో చిక్కటి టీ కావాలి. టీ రడీ అయ్యాక, బిస్కెట్ పొడి కాస్త ఆ పలచని టీ లో కల్పండి అంతే చిక్కని టీ రడీ.
• తేనెసీసాలో రెండుమూడు మిరియాలు వేస్తే ఎక్కువకాలం నిల్వ ఉంటుంది, చీమలుకూడా పట్టవు.
• తోడుపెట్టిన పాలల్లో చిన్న కొబ్బరి ముక్కవేస్తే పెరుగు కమ్మగా ఉంటుంది.
• దుంపలను ఉప్పు కలిపిన నీటిలో ఓ పావుగంట నానబెట్టి ఆ తర్వాత ఉడికించండి. త్వరగా ఉడుకుతాయి.
• దోసకాయ ముక్కలు క్రష్ చేసి కిచెన్ చుట్టు ప్రక్కల ఉంచారంటే, బొద్దింకలు దూరం దూరం.
• నిమ్మకాయ రసం పిండివేశాక, ఆ నిమ్మడిప్పల్ని పారవేయకుండా వాటితో ప్లాస్టిక్ సామానును రబ్ చేయండి. మురికిపోయి అది మెరిసిపోవటాన్ని మీరు గుర్తించగలుగుతారు.
• నిమ్మకాయల్ని తడిబట్టలో చుట్టి పాలిథిన్ కవర్లో ఉంచితే ఎక్కువ రోజులు నిల్వ ఉంటాయి.
• నిమ్మరసం ఎక్కువగా రావాలంటే పది నిముషాలపాటు గోరువెచ్చటి నీటిలో వేసి ఉంచాలి. ఒకవేళ ఫ్రిజ్ లో ఉంటే రసం తీయటానికి పది నిమిషాల ముందు బయట పెట్టాలి.
• నూనెలో కాని, నెయ్యిలో కాని కొంచెం బెల్లం ముక్కని వేస్తే దానిని గడ్డ కట్టకుండా ఆపుతుంది.
• నెయ్యి బాగా మరగించి, దాన్ని నిల్వ ఉంచితే చాలా కాలం నిల్వ ఉంటుంది.
• నెయ్యి మరిగించే సమయంలో రెండు చిటికెలు ఉప్పు దానిలో వేశారంటే నెయ్యి చాలా కాలం నిల్వ ఉంటుంది.
• పచ్చిమిరపకాయలు పండకుండా ఉండాలంటే గాలి చొరబడని గట్టి మూతగల సీసాలో ఉంచి, చిటికెడు పసుపు చల్లి ఎండ తగిలేలా ఉంచాలి.
• పప్పు ధాన్యాలు చెడిపోకుండా నిల్వ ఉండాలంటే పప్పుల్లో నాలుగు ఇంగువ పలుకులు వేసి ఉంచితే చాలు! పప్పులకు పురుగుపట్టదు. ఎంతకాలమైనా నిల్వఉంటాయి.
• పాత చేతి రుమాళ్ళు రెండింటిని తీసుకొని మూడు పక్కల కలిపి కుట్టి ఒక పక్క వదిలేయాలి. సంచిలా తయారైన దీనిని తడిపి అందులో ఆకుకూరలు పెట్టి ఫ్రిజ్‌లో ఉంచితే వాడిపోకుండా తాజాగా ఉంటాయి.
• పిల్లలు టీ త్రాగుతామంటే, లైట్ గా టీ తయారు చేసి దాంట్లో ఓ బ్రిటానియా బిస్కెట్ పొడి కొట్టి వేయండి. వెరైటీ టేస్టు వారు ఎంజాయ్ చేస్తారు.
• పుట్టగొడుగులు ఎక్కువ కాలం నిలువ ఉండాలంటే వాటిని ప్లాస్టిక్ కవర్ లో కాకుండా చక్కగా పేపర్లో చుట్టి ఫ్రిజ్ లో పెట్టుకోవాలి.
• ఫ్రిజ్ లో అక్కడక్కడ పుదీనా ఆకులు ఉంచితే దుర్వాసన రాదు.
• ఫ్రిజ్ లో కూరగాయలు పెట్టుకునే షల్ఫ్‌లో అడుగున పేపర్ వేసి ఉంచితే కూరగాయలు ఎక్కువ రోజులు తాజాగా ఉంటాయి.
• వంటగదిలో మంటలు రేగితే కొద్దిగా సోడా బైకార్బొనేట్ చల్లండి. మంటలు, పొగ వ్యాపించకుండా అది నిరోధిస్తుంది.
• వంటింటి గట్టు, డైనింగ్ టేబుల్ ను ఉప్పు నీటిలో ముంచిన వస్త్రంతో తుడవాలి. చీమలు, పురుగుల బెడద ఉండదు.
• వేడి నీరు, అమోనియా కలిపిన ద్రావణంలో గ్యాస్ స్టవ్ బర్నర్లను నానబెట్టాలి. ఒక వైర్ బ్రెష్ తో బర్నర్ రంధ్రాలను శుభ్ర్రపరిచి ఎండబెడితే స్టవ్ మంట బాగా వస్తుంది.

శుభ్రతకు సంబంధించినవి

• ఇత్తడి బకెట్లు, ఇత్తడి వస్తువుల్ని కడిగేటప్పుడు నిమ్మ చెక్కని వాడితే తెల్లగా వస్తాయి.
• ఉప్పునీటి మూలంగా స్టీలు బక్కెట్ల అడుగున తెల్లగా పొరలా పేరుకుంటుంది. కిరోసిన్ చుక్కలు వేసి గంట తర్వాత సబ్బునీటితో కడిగేయాలి.
• ఏ పాత్రపై అయినా తుప్పు మరక పడితే, ఆలివ్ ఆయిల్లో కార్క్ ముంచి రుద్దితే మరక పోతుంది.
• ఒక పెద్ద టబ్ లో చెంచా సర్ఫ్ వేసి నీళ్లు పోయండి. వంటకాలకు ఉపయోగించిన పాత్రలన్ని ఆ టబ్ లో వేసి నానబెట్టండి. ఇది రాత్రి పూట చేస్తే మంచిది. మరుసటి రోజు కొంచెం రుద్ది నీటితో కడిగేస్తే చాలు తళతళలాడే పాత్రలు సిద్ధం.
• ఒక స్పూన్ డెట్టాల్, ఒక స్పూన్ నిమ్మరసం, రెండు స్పూన్ల డిటర్జెంట్ పౌడర్, కలిపి కిచెన్ టైల్స్ తుడిస్తే, అవి శుభ్రంగా ఉండటమే కాదు.. తళతళ లాడిపోతాయి.
• గిన్నెలపై ఉన్న మచ్చలు పోయి అవి తళతళ లాడాలంటే వాటిని కాసేపు బ్లీచింగ్ పౌడర్ కలిపిన నీటిలో ఉంచాలి.
• స్టెయిన్ లెస్ స్టీల్ సింకులో పడిన మరకలను వెనిగర్‌లో ముంచిన గుడ్డతో తుడిస్తే పోతాయి.